Është arrestuar autori i vrasjes së 40-vjeçarit Halil Koka, Arben (Ilir) Kocilja pas një sherri mes viktimës dhe autorit për vendparkimin e makinës.
Pak orë pas ngjarjes, policia ka vënë në pranga autorin, Arben (Ilir) Kocilja pak metra larg vendit të krimit, teksa ishte fshehur në disa gropa arkeologjike.
Koçilja raportohet se i kishte marrë një borxh viktimës dhe nuk ia kishte kthyer. 35-vjeçari dhe Halil Koka i kanë banesat përballë njëri-tjetrit në lagjen nr.4 në qytetin e Durrësit.
Një nga dëshmitaret tha se autori po e ndiqte me vrap 40-vjeçarin, ndërkohë që viktima pasi ke bërë disa hapa është rrëzuar dhe më pas ka ndërruar jetë pranë koshave.
“Erdhën që këtë nga tatimet me vrap. Ai po e ndiqte me vrap, por unë nuk e pashë. Ai erdhi, u rrëzua dhe ngeli aty te koshat”, tha një dëshmitar për News24, i cili theksoi se “ambulanca dhe policia erdhën në kohë”.
Vrasja ndodhi mesditën e sotme (14 shkurt) në afërsi të shkollës 9 vjecar “Jusuf Puka”, ku Ilir Koçilja qëlloi me thikë Halil Kokën, i cili nuk ka mundur ti mbijetojë plagëve të marrë dhe ndërroi jetë rrugës për në spital.
